Работа па раяніраванні Брэсцкай вобласці, удакладненні межаў раёнаў, колькасці населеных пунктаў, насельніцтва і г. д. пачалася ў канцы 1939 г., калі былі ўтвораны новыя вобласці, якія замянілі ранейшы адміністрацыйна-тэрытарыяльны падзел Заходняй Беларусі. 15студзеня 1940 г. паводле Указа Прэзідыума Вярхоўнага Савета БССР «Аб стварэнні раёнаў у Баранавіцкай, Беластоцкай, Брэсцкай, Вілейскай і Пінскай абласцях Беларускай ССР» у Брэсцкай вобласці сярод іншых былі створаны Антопальскі, Дзівінскі і Кобрынскі раёны.

Пасля ўз’яднання Заходняй Беларусі з БССР 4 снежня 1939 г. былі ўтвораны Баранавіцкая, Брэсцкая, Пінская і інш. вобласці. Ружанскі раён з цэнтрам у г. п. Ружаны ўтвораны 15 студзеня 1940 г. У канцы студзеня пачаў працаваць Ружанскі райкам КП(б)Б. Сакратарамі райкама партыі былі абраны М. Ц. Падаляк, Н. Д. Белікаў, В. В. Хількевіч. Старшынёй Ружанскага райвыканкама стаў Аляксей Васільевіч Каралёў. Разгарнуў актыўную работу сярод моладзі райкам ЛКСМБ на чале з першым сакратаром А. М. Доўбняй.

Пасля далучэння Заходняй Беларусі да БССР адбыўся адміністрацыйны падзел тэрыторыі, 4 снежня 1939 г. была ўтворана Брэсцкая вобласць. Пружанскі раён з цэнтрам у г. Пружаны ўтвораны 15 студзеня 1940 г. у складзе Брэсцкай вобласці. 12 кастрычніка 1940 г. раён падзелены на 18 сельсаветаў (іх колькасць ў 1954–2006 гг. мянялася).

Пасля ўтварэння 4 снежня 1939 г. новых абласцей і раёнаў, якія замянілі ранейшы адміністрацыйна-тэрытарыяльны падзел Заходняй Беларусі, горад Кобрын стаў цэнтрам раёна Брэсцкай вобласці. 15 студзеня 1940 г. выйшаў Указ Прэзідыума Вярхоўнага Савета БССР«Аб стварэнні раёнаў у Баранавіцкай, Беластоцкай, Брэсцкай, Вілейскай і Пінскай абласцях Беларускай ССР». У Брэсцкай вобласці сярод іншых былі створаны Антопальскі, Дзівінскі і Кобрынскі раёны.

Камянецкі раён Брэсцкай вобласці ўтвораны 15 студзеня 1940 г. Адміністрацыйна раён падзелены на гарадскі (Высокаўскі) і 13 сельскіх саветаў, якія ўключаюць у сябе 234 сельскія населеныя пункты, у т. л. 17 аграгарадкоў. Раённы цэнтр — горад Камянец, які заснаваны ў 1276 г. У 1959–1962 гг. у складзе раёна знаходзіўся г. п. Жабінка. 17 красавіка 1962 г. далучана тэрыторыя скасаванага Высокаўскага раёна. Насельніцтва Камянецкага раёна на 1 студзеня 2019 г. складае 34 388 чалавек (беларусы 82 %).

З сярэдзiны 1960-х гадоў г. Брэст хутка развiваўся, будавалiся новыя прадпрыемствы i жылыя кварталы, стваралiся ўстановы сацыяльнай сферы, актыўна асвойвалiся новыя тэрыторыi, далучаныя да горада.